台中台北 ~ 自己自由行 (完)

ketchup

Taiwan Trip (Part 1 of 6)
返到马来西亚，又係时候Blog啦！

到台湾原因：
--------
Jason到台湾公干两个月，乘佢未返嚟，我先过去玩，然后一起坐机返！

准备
---
好期待，但係准备工作都一直未做好。
我基本上係唔想跟住啲旅游手册去行，我知道咁会无乜惊喜同一般旅行团冇乜分别！
但基于第一次到台湾，又大部分时间自己一个人行，所以去咗书局参考咗一啲台湾旅游书，抄低些少资料，以防万一。

入网上论坛，见到有人话应该要申请“宝贝机”同“青年卡”，于是，我就Click入睇清楚係乜东东。
原来青年卡係俾30岁或以下嘅人士申请嘅，係用嚟鼓励青年人多多到台湾旅游！
而宝贝机係一架手提电话，里头设有热线Speed Dial同200蚊台币Credit，方便旅游人士联络同寻找旅游资讯。
注： 你应该喺未到达台湾前，预选申请“宝贝机”。一旦申请通过，你会收到Email通知。
有关“宝贝机”，请Click, For English Version: Please Click
有关“青年卡”，请Click

成嗰行程，我会先到台中meet Jason，台中玩够啦再到台北。
唔打算带衫去，就攞住嗰手提袋加嗰Backpack就算。
当然，我都已经上网买咗嗰Rimowa，send咗去Jason公司，其实已经等紧我嚟台湾将佢装满！

上网买咗机票，再读吓论坛啲意见，锁定要去嘅几个目的地：
- 逢甲夜市
- 精明一街
- 九份
- 西门町
- 士林夜市
- 迪化老街
- 永康街
- 夜店： The Wall， 女巫店，河岸留言
- 北铺老街
- 24hrs诚品
- 北投 - 温泉（三二行馆）

接住啲Friend俾意见话以下地点都应该去，所以列入我必到站：
- 大干杯 （http://www.kanpai.com.tw/）
- 点水楼 （http://www.dianshuilou.com.tw/）
- 阿宗面线

执好行李，15th Oct准时出发！

待续...

[ 本帖最后由 ketchup 于 15-12-2008 11:08 AM 编辑 ]

ketchup

Taiwan Trip (Part 2 of 6)
15th Oct 2008
--------------
早上八点几就起身，睇下啲行李齐未。
等翰樂起身，驾架车带佢round下，买盒饼俾佢，然后好唔舍得就出发。
1030： 我搭LRT由"Ampang"站到去"Bandar Tasik Selatan"站，再转KLIA Transit 到KLIA机场。


1200： 到达KLIA，check-in。

小插曲： 我少出国，完全唔知原来100ml或以上嘅液体盛器係唔可以hand-carry入机仓！Check-in counter嘅工作人员话应该同Luggage 一齐check-in。大佬，我何来有Luggage俾你Check-in啊？可能出路遇贵人，而我样又唔似坏人，有贵人帮我带咗两尊skin-care入閘！真係好多谢佢！


1420： 飞机准时起飞！

（路途，睇咗赤壁，同半套Baby Mama)

1845： 月亮好大好圆好近！ 加上台湾夜景，就好似一幅画呈现喺我眼前！

1920： 到达桃园机场。

揾厕所先，见到厕所里头有嗰紧急紧掣。虽然唔知到底係乜，拍低先！

方便完就揾车搭去高铁，完全忘记咗其实自己可以选择搭的士，或者搭巴士！最闭係我完全忘记“宝贝机”一事！好彩高铁转驳巴士未到，我突然醒起“宝贝机”，先止返转头。攞咗“宝贝机”，顺手申请卖“青年卡”，再顺口问下去台中搭吀嘢交通工具比较好。

嗰靓女建议我搭巴士，因为搭的士会贵点而且用嘅时间同搭巴士冇乜分别。
搭高铁基本上省唔到多时间，因为由桃园机场搭转驳巴士到高铁站可能要花20分钟，然后要等高铁可能又要花10-20分钟，到咗台中仍然係要搭巴士或的士到Sogo。
最后我选择咗听靓女话，搭巴士，我捡咗Ubus，台币270。

2230： 到达台中Sogo，见到Jason啦！

由Sogo行返Jason嘅apartment真係好鬼近！Sogo隔条小巷就係LV！
返到apartment，放底啲嘢就出去揾嘢食。
由于经已11点，外面啲店铺都已经已经闩得七七八八。我哋行到去精明一街，见到“春水堂”仲未闩，拉拉临入去食啲嘢。一碗顶级XO酱搅拌面，一杯胚芽奶茶，一杯茉奶珍珠，合计台币290。



注： 原来喺度食嘢，中size嘅计算方法係细size嘅两份！比如话，如果细碟係70呅，而你order中size，咁喺嗰单上你会见到，70蚊两份。我先头仲以为嗰cashier搞错咗！

食完两人漫步好宁静嘅精明商圈，去咗7仔买包“玫瑰凉烟”俾同事Cathy，买牙刷同湿纸巾。Jason话台湾四周围都有7-11，佢搞笑话，喺呢度迷失路，你咪话俾人听你喺间7-11附近！之后我哋行多一阵就返apartment大觉索（训觉）。

注：原来买烟，收据上有“健康捐”一项(嗰包烟嘅健康捐係台币10蚊)，我唔係好清楚係乜，应该係一点唔健康嘅食品或用品都会有嘅抽税项目。政府唔鼓励消费者食用嘅嘢，例如槟榔，都一一需要俾健康捐。

注：原来台湾啲收据大部分都一样尺寸（4.4cm x 19cm)，咋眼睇，好似唔多环保。但大部分人都唔会就咁就抌咗去，因为翻去后面，就好似一张大马彩，分分钟会中奖噶（虽然机会渺茫，但年中咁多张收据，日日都有希望）！

待续...

ketchup

Taiwan Trip (Part 3 of 6)
16th Oct 2008
-------------
第二日训醒，Jason要返工。
我就开始我一人旅途。太早啦，九点几，Sogo又未开始营业。见到咁大LV旗艦店，影底先！

LV台中旗艦店

之后，继续行下睇下街景，睇下台中人啲生活作息。
行下行下，见到7仔，唉，横点啲铺又未开，不如食嗰早餐先。
买咗个肠仔同Ovaltine，再买枝笔方便自己做笔记（合计台币96蚊）。坐低慢慢叹。

7仔早餐

坐我隔离係两个著住全黑衫裤嘅女士，一位边食早餐边睇报纸，另一位等紧佢份便当早餐。我就问係唔係喺Sogo返工嘎？原来佢哋係唔识对方，就因为我一句，大家倾起嚟。隔离嗰位小姐原来由台北嚟到台中返工，今日係第一日返Sogo，佢仲话已经6年冇嚟过台中！倾下倾下，仲倾埋啲政治同时事新闻。我大概睇下啲娱乐新闻，好似大部分（绝大部分）都係台湾艺人嘅新闻，好少要香港艺人嘅报道，可能嗰日嘅娱乐版台湾艺人比较有娱乐！

食完，我哋一齐离开7仔，佢哋返Sogo，而我就继续我嘅台湾“慢”游。出到条街到，我对咗嗰地图，先知道原来自己仍然喺apartment楼下！仲以为自己行咗好远！唉！

接着落嚟哽係再去精明街多一次，因为係最近同买比较熟悉（因为寻日夜晚行过一次）。

沿途路上嘅建筑物

事关我冇带衫，所以先要买点衫裤。我十一点到到咗精明一街，当然首先见到熟悉嘅“春水堂”餐厅。

台中精明一街“春水堂”餐厅

大部分其他店都係未开嘎！！！我由“精明一街”，街头行到街尾，只是用咗三分钟（条街好短）。“精明一街”尽头就是“大隆路”。我见到有间Hello Kitty专卖店，买咗嗰手信俾我二嫂（台币560蚊）。之后，因为实在太多铺未开，我只好喺冇乜选择情况之下行行行，见到有心水店开咗就入去睇睇。仲走去试埋Bra添！

再行过去“精明二街”，见到有凳，所以坐下，影下相。

精明二街，街景

之后转返入“大墩十九街”，见到一嗰摊位卖儿童装，写住“100”。我睇下，又几靓喔！嗰Sales好礼貌，一直同我倾计同俾意见我。啲童装真係几唔错，值得介绍俾大家！！！我买咗6件童装，合计台币600蚊，好抵！呢档童装位置于，“精明二街”同“大墩十九街”交界路口，佢摆正喺一间叫做“Wa & Co”嘅时装店门前。

平，靓，正童装

继续我嚟精明商圈嘅目的，买衫！我前后行咗入三间铺，我买咗7件衫，两条内搭裤（合计大约4千几台币）。
买完衫(嗰阵我喺“精明一街”），嗰Sales问我食咗未？我问有乜好介绍，佢话就隔两间唔错嘎。我唸都唔需要唸就过咗去呢间叫做“古今烧”嘅餐厅！叫咗份260蚊三杯鸡套餐，有饭，有湯，有水，有菜，有肉！味道唔错！

精明一街“古今烧”餐厅








食饱，唸住再行下，我又逗返嚟“大隆路”。要讲下呢间“日出，修道院的乳酪蛋糕”，我係俾佢门口嗰两張bench吸引，先致走入间店。先头仲以为刞哋买CD，入咗去，个员工立刻抵杯茶俾我，我心唸，茶同CD有乜嘢关系？睇下睇下，咦！真係有cheesecake嘎喔！睇清楚嗰item list，先明白佢哋有啲乜嘢卖！因为包装得好特别，请唔好怪我大乡哩！要怪就怪大马冇啲咁创意嘅产品！2盒土凤梨酥，1盒牛软糖，1盒蓝梅牛软糖，1盒CD装瓦片饼(杏仁饼），加送1CD装太阳饼＋瓦片饼 （合计台币1589蚊）。

“日出，修道院的乳络蛋糕”，从外面睇的确惹人注目

CHEESECAKE!

啲包装，睇落仲以为係卖紧CD或书籍

买完饼，因为拎住太多嘢，就快快行返apartment放底啲嘢，冲返个凉，再换件新衫。影下啲战利品。

堆衫

日出饼同糖果包装，好似一堆CD，书同邮件，靓！

拆开咗嘅牛软糖同蓝梅软糖

其他拆开咗嘅包装

未拆前

二嫂嘅手信

ketchup

再返出去，天开始黑，哦，五点几就开始天黑？我顺住条路行到去LV，哽係入去参观下！明知台湾LV贵点，我都竟然可以落手买咗嗰散银包（7800蚊台币，5%回税）！然后再过对面Sogo，入去其实唔打算要买嘢。行下行下，见到Lowrys Farm啲衫真係正，不过我始终都冇落到手！反而觉得自己件衫好似好单调，于是买咗件好薄嘅尊领衫嚟内襟(台币1380)，立即去洗手间换衫，哈哈！

入到洗手间，有一种“哗”一声嘅感觉！好靓喔！



台中Sogo原来唔係Jason所讲嘅14层，而是18层！点解人哋嘅Sogo可以係咁齐全同潮，点解大马嘅Sogo只不过係马来人同印尼人聚集点？（我唔係排斥同带有色眼光，只不过，我去到真係觉得唔安全）。

行完Sogo，就喺门口搭的士去逢甲。可能习惯性上的士第一件事要记车牌同睇司机资料，嗰的士车牌012-MW，好容易记！同嗰的士佬倾计，我话“你们的士这一行在台湾还不错吧？旅客都很多！”，死，佢竟然听唔明！原来佢听唔明“的士”两个字！佢话台湾人都叫“计乘车”，都怪我平时少讲华语！同的士大佬了解咗之后，先知道原来台湾的士系统都係统一咗，方便啲旅客，唔洗惊住俾的士佬呃！同大马比，冇得比！

去到逢甲，012-MW的士大佬直接指咗我去逢甲夜市条街。我第一条夜市街！哈哈！好多人！好多年青人，我唸应该係因为大学就喺隔离街嘅原因啩！我试咗臭豆腐，可能係炸嘅关系，都唔臭嘅！我一个人行，真係试唔得多，食少少就饱！

福星路同逢甲路交界


逢甲夜市



我行行行，行到去条大马路，已经开始见唔到人潮。我攞嗰map嚟睇，哇，我真係行得，由逢甲路同文华路交界，行完成条文华路，再转返入西屯路二段，转入至善路在返逢甲路，然后行卖福星路附近啲商店。我唸，台湾人点可以唔潮？去到边都係卖潮嘢。但係！我好似未睇到买好多波鞋嘅店喔，随口问下身边位男士，佢打量咗我一眼，问返我係唔係香港人，我话唔係，之后佢指我去条街话可以揾到波鞋。我一转身，佢用广东话话：“喂，咁多位，够钟啦，麻烦上车去下一站！”。啊！原来係香港导游！

我行紧去揾波鞋时见到有间米兰站（喺福星路），走咗入去，真係有限量版LV Damier Neverfull！碌卡，台币31500!
然后再去揾波鞋！不过，揾唔到心水款，之后就搭的士返Sogo。台湾交通嘅次序令我觉得有少少鄂然，啲司机有少少乱嚟同唔守次序！返到Sogo再行返apartment，好攰好攰！

待续...

fluoritetaiwan

原帖由 ketchup 于 12-12-2008 07:17 PM 发表
待续...

行快D啦,

ketchup

Taiwan Trip (Part 4 of 6）
17th Oct 2008
-------------
今日训迟点，因为太早出都冇乜节目。
大概十一点几，Jason同我先至出去食早餐。我哋其实冇乜目的地，唸住睇到有乜啱口味就OK。见到豆浆档，行前去经已卖晒！嗯...係唔係我哋训得太迟？再行前点，见到有间卖美式早餐嘅，就呢间！

份量好似细咗点！不过味道OK!

食完早餐，Jason要返工。我继续explore台中。其实我係好想剪发，因为觉得冇乜精神（虽然头发係短，但係觉得好似好难睇，兼难梳）。过马路，面前就有两三间理发铺，睇见有间写“剪268”，就呢间！

之后我由華美西街一段，朝住公益路行去。目的地係“勤美诚品绿园道”同“Nova”。
沿途街景

行到去公益路，见到有嗰大草场，原来係叫“市民广场”。见到有人係草场中央setup紧sound system，应该係有show。草场边有好多树，树低有凳，有几位老人家坐喺度倾计，好休闲。隔条巷仔，就是好多旅游手册所介绍嘅“法国南部”。由于我食饱咗，所以冇入去试。我求其影几张相，就过对面嘅“勤美诚品绿园道”。
“市民广场”

过咗条马路，就係“勤美诚品绿园道”，嗰building係间shopping mall，楼上有诚品书店！


呢间shopping mall係诚品旗下嘅商店，里面都唔係太大，都好齐全！我直接上诚品floor，感觉同Borders大同小异，但当然，呢虚中文书籍居多。我喺CD/DVD部门，见到啲CD种类比大马嘅多同齐全，有好多Jason喜爱啲地下音乐。我揀咗两张CD（2007小草地二年级音乐同学会 + 村上春树的爵士部屋，共NTD 298蚊），再过去睇下啲儿童书籍。买咗啲认字卡同拼图俾翰樂，NTD 258蚊，仲有一本“小公主的秘密日记”俾正在发育嘅外甥女恺欣，NTD 249蚊。我喺诚品逗留咗好耐，俾完钱，就落楼下。意外揾到对心水Converse，仲係特价品，于是买咗，NTD1440！仲即可换鞋！

我走去玩具部，原本打算买啲玩具俾翰樂，但係嗰虚有嘅基本上马来西亚都有。之后，随便行下，都冇买其他嘢就落咗楼下间starbucks，买咗杯hot chocolate（size grande NTD125蚊），贵过大马！

饮完，继续前进。行去Nova（就好似KL嘅Low Yat咁，卖电脑同电脑配件为主，仲有手提电话等等，不过就冇Low Yat咁大）。我去顺随係职业病，睇下同买嗰转换插头（NTD70）。买完，我就走！

当时其实身上嘅台币所剩无几，需要揾提款机提款。于是，行过对面街间银行用我嘅ATM卡提款。我试咗两次都唔得，就问下旁边嘅工作人员（佢哋当时係忙紧将啲现金箱摆入提款机里面）。台湾人的确友善，帮我check咗之后确定我张卡可以喺台湾提款，话可能大马嗰边可能有啲限制，建议我打嗰电话返大马问。我讲声多谢，转个身行出去打电话返Maybank。原来真係要activate嗰service先！5分钟后，提款成功！我突然觉得比较有安全感！

ketchup

我行出银行，企喺嗰十字路口，唸我好唔好去美术馆？都只不过係一条直路，由Nova朝住“英才路”直行就可以到达“国立台湾美术馆”...好啦就去美术馆啦！

一转入“英才路”就见到间庙

沿路上，路边都係树木



条路话远唔远，话近唔近。我用旅游手册嘅地图ratio嚟几，大概由Nova行“国立台湾美术馆”应该有1KM。

越嚟越接近美术馆

到啦到啦

连渠盖都有“国立台湾美术馆”嘅字

其实附近有好点靓嘅艺术品影，但因为好晒，我好想快点入去所以冇影到


终于见到“国立台湾美术馆”外貌

入口

里面嘅设计同装饰

啲字唔係我手震影到咁嘅效果，而係就算你企喺度睇都係同样嘅效果！


里面影出去，同外面影入嚟

Minimalist feel~~

值得一提，里面有个展览叫Pencil Walker，我好欣赏佢嘅作品。几副好大嘅黑白画，冇特别嘅图案，只有直线同波浪线条。我係minimalist崇拜者，睇见咁嘅作品，于是行近点了解下。呢位艺术家自称为“Pencil Walker”，佢每一个作品平均须时2-3个钟。每次都会带上面罩贴上麥克風，手臂绑上铅笔钻同录音机，口念心经，喺块白色画板前往返行走，用铅笔画上条纹，用录影机记载整个过程。基于唔可以影相，我唯有放个link俾大家参观下。（咦！我依家想起，原来佢都係姓“石”）
石晉華个人网站
Exhibition －An Account of Pen Walking Serial and Pencil Walker

ketchup

我行完美术馆，买咗点纪念品，就踏出美术馆前往“美术园道咖啡街”。

沿路街景

美术馆附近，就係好多咁嘅landscape，傍晚时间好多人可以喺度放狗，倾计，悠闲一番

原来呢度都有“日出，乳酪蛋糕”


行到“美术园道咖啡街”几乎间间餐厅都有自己嘅特色，我觉得好colourful，难怪啲婚纱店会带顾客嚟呢度影相！我去到睇到三对Couples影紧无同嘅角度。有好多人放狗！啲狗好靓！



因为我冇食lunch，去到“美术园道咖啡街”已经係5点几，好鬼饿！于是就揀咗两本guide都推荐嘅Pumpkin House作为我晚餐餐厅！呢度啲侍应真係好笑容，态度顶瓜瓜！佢哋可以将餐牌上嘅事物好详尽咁解释一番，你唔洗惊你唔知食咗啲乜嘢落肚！我嘅晚餐，NTD451蚊，有汤，有配菜，有意大利面，有饮品，有甜品。味道几乎唔够浓，环境就几唔错！







食完买单，出外面行下，着咗灯嘅餐厅，又无同哦！
“Pumpkin House南瓜屋”同“Little Itagy”嘅外貌

“Papillon”同“安徒生”

“桃花源”，楼上嘅座位好特别，睇睇上面嘅相比较清楚

离开“美术园道咖啡街”前一刻，见到呢嗰牌

我之后行咗出大街搭的士到“一中夜市”。呢次搭到嘅的士，嗰司机好严肃，唔多讲嘢，我唯有四周围影下相。

一中夜市同其他嘅夜市对我嚟讲係冇乜分别，我基本上只不过係想睇下。我随便咁行下，之后去咗“中友百货”。唔知係唔係礼拜五，“中友百货”好似比起其他百货人潮多好多！睇落唔多起眼，以为好细间，原来佢係由三栋楼搭桥连起嘅百货公司！好多人啊！我走去supermarket试下揾我妈交代我买嘅芝麻五谷既冲饮品，有喔！我唔知边只味道好，几乎只只都买两包！买完先知道原来咁重！我行完“中友百货”，对脚好似就快瘫咗，行去搭的士啲步伐慢到似只蜗牛，连的士司机都话我好似好懒散，无里精神咁！

返到Sogo，call Jason，原来佢同班同事喺楼下饮嘢，我joined佢哋，饮完就返aparment休息。休息前，收拾好行李，听朝要北上台北！Yeah!

待续...

ketchup

Taiwan Trip (Part 5 of 6)
18th Oct 2008
-------------
我比寻日早起身，因为今日要去台北。梳洗完，就拉住嗰好鬼重嘅行李出发，Jason陪我行去Sogo搭的士去高铁站。好巧，我遇返嗰日载我去“逢甲夜市”嘅的士司机！佢原先唔记得我，我同佢倾下倾下，佢话“哦！你是马来西亚来的那个！我记起了！那么快就走了？”...哈哈！

到咗高铁站（我记唔起的士费係几多钱），我同个的士司机道别，然后行入去买飞。我睇下个时间表，决定搭2：20班车去台北（NTD630）。买飞嗰阵，我见到有对老夫妇因为排咗好耐都买唔到飞而闹到个售票员面红红。其实嗰Queue好短好快嘎，可能因为排喺uncle前面个位乘客嘥咗比较多时间买飞，于是个工作人员指咗去另外一嗰counter，另外个嗰counter售票员又唔知头唔知路叫以为uncle插位，叫佢两公婆排队。个两老真係好火气，个售票员一面讲对唔住一面解释！

高铁站里面

我买完飞，未睇完戏就行咗过去Mcdonalds买早餐，我喺台湾嘅第一餐McD，NTD105！

去到台湾都仍然係食McChicken

食完仲有时间，就行下嘥时间。我乘得闲，将大马嘅sim卡插入手提电话睇下有乜sms。立刻收到我大哥嘅短讯话翰樂入咗院！！！我突然间觉得好烦恼，一直问自己点解点解？！？！即刻call俾我妈，可惜手提电话冇人接！我更加烦恼，心唸：死啦！电话都唔接咁大祸？！于是call俾我大哥，佢话翰樂发高烧而入院！我不停咁打电话返大马，打到第三通，我爸接咗，话佢去紧医院交个手提电话俾我妈，叫我多一阵再打返去。

我喺高铁站错过咗一班车（其实係无所谓，因为可以搭下一班），我坐喺张凳到，心里面只係希望樂樂快点退烧！我心唸，坐喺度都做唔到点乜嘢，就上咗下一班车。我喺高铁就快要到“新竹”嘅时候，call到我妈。佢话樂樂发烧，唔肯食嘢更唔肯食药，冇办法先至送佢入院，暂时係退烧训着咗。我听到咁，个心先至放得低。通知咗Jason个仔嘅情况，冇几远，我到达咗台北。


到咗台北，其实就等于我到咗台北车站，呢虚就係高铁，台铁同地铁主要嘅interchange。好方便，好多人！果然係台北！我因为拉住个luggage，又揾唔到升降机，于是就夹硬用力慢慢咁拖住佢行楼梯落。由于太攰，相都唔影。买咗张NTD500嘅“悠游卡”（100蚊係deposit)，就搭上地铁，去到“善导寺”站。之前定咗嘅Taipei Hostel，就离开呢个站冇几远！我死蠢，懒叻连地址都唔抄低，搞到自己行咗好长嘅冤枉路（由“忠孝东路一段”朝着“林森北路”行到“市民大道”，再行返转头），打咗好几通电话俾Jason先至揾到间Taipei Hostel。

好戏在后头，搭lift上到去6楼，原来Taipei Hostel真係好甩! 俾咗日租（我选择住一日，交一日）攞埋锁匙先知道原来我间房喺楼上。我唯有焗住上，一级一级慢慢拉我嘅rimowa上楼。之前仲懒有型，以为睇落好似好富贵，原来背后咁闭翳！我都惊其他back packer笑我笨，嚟Taipei Hostel带rimowa喔，傻仔！虽然Taipei Hostel甩，但係都算设备齐全，都卫生干净。

我所住嘅单位

我休息下，换件衫，天经已快黑（大约5点几）。我决定去24小时营业嘅诚品书店睇下环境，因为打算最后一晚，同Jason拎埋啲行李嚟呢虚过夜（因为第二朝早机，咁可以慳返少少）。于是，我坐地铁去“市政府站”（原来去到先知道，24小时诚品唔係喺呢度！！！应该搭地铁去“忠孝敦化站”！！！）。

既然已经嚟咗，就行下。一出“市政府站”，我跟住人潮转个街口，就见到好夺目嘅蓝色灯建筑，原来係“新光三月”A4建筑（“新光三月”仲有A8，A9，A10，A11等几座由桥连起嘅建筑）。

“新光三月”A4建筑隔条街就係“诚品信义旗舰店”。企喺度，仲可以见到“台北101”

“诚品旗舰店”门口，望过对面就係“台北101”

我入去“诚品”行下，其实目的係要买台北旅游册子。当然，呢度除咗卖书，楼下同其他商场一样，都係玲琅满目嘅商品。我买完嘢就过咗去“新光三越”。

“新光三越”A8

由A4行到A8，再由A8行到A9会见到Miu Miu专卖店

好热闹！有街头表演，啲Golden Retriever好靓！！！

位置：A9-A11天桥之间

我楼supermarket买咗啲日常用品（Taipei Hostel要自备呢啲嘢），之后再去A9楼下，买IT Gadgets嘅部门买咗个充点器就唔打算再行。影完相，我就行返去地铁再返Taipei Hostel休息。我12点几，走楼对面街嘅7仔（近“善导寺”地铁站））买水同杂志，个staff嘅态度係我嚟台湾见过最差嘅工作人员！真係想去complaint鬼佢！佢衰到喺个洗手盘度申鼻涕！我睇杂志睇到4点几...ZZZzzzzZZzzzzZzZZzzzzz

其实成日都好挂心樂樂，唔知佢ok吗？

待续...

ketchup

Taiwan Trip (Part 6 of 6)
19th Oct 2008
-------------
我训到11点几至起身，寻晚睇杂志睇到4点几（睇下杂志，睇下应该喺台北买点乜嘢）。
起身，梳洗完就攞嗰手袋出门。
今日个行程，就喺要去“VVG Table”食早餐，之后去“迪化街”睇老街，然后去“三二行馆”浸温泉食完嘢再去“女巫店”浦。“西门町”，“鼎泰丰”，“九份”同其他地方，就唯有等Jason过嚟台北再安排。

我搭地铁前往“忠孝复兴”站，依照地图嘅方向行下行下，我见到“鼎泰丰”哦，但係唸住等Jason过嚟先致一起试，所以继续行。我嘅目的地当然係要揾“VVG Table”。我越过咗“忠孝东路4段”，眼前就係“微风广场”，我冇走入去，因为好肚饿。

忠孝东路

过经过屈臣氏，买咗包纸巾，就继续揾间店。原来“微风广场”后边有好多好特色嘅店。虽然大部分卖嘅都係时尚用品，反而吸引我嘅唔係啲衫裤鞋袜，而係啲店铺装潢，摆设同设计！

William介绍嘅“大干杯”我未揾到，但係“小干杯”就无意中俾我睇到

我由街头差唔多行到街尾，先至揾到“VVG”，仲差点miss咗添
VVG门口

入到里面，嗰侍应问我有冇预约，我话冇哦！佢话剩返一个位，指住嗰位问我O唔OK? 我话既然嚟到，有位就OK啦！个座位的确有点怪，不过还可以啦。

我就係坐喺呢张凳

呢度嘅环境都算OK，可能係星期日，比我想象中较人多。因为周末有Brunch套餐，俾啲又懒又唔熟悉环境嘅我最适合不过，于是我唸都唔洗唸就要咗个Brunch Set (Breakfast+Lunch)，台币560.

主菜未嚟，就先嚟杯香喷喷嘅红酒配肉桂。好香！！！再嚟一堆面包同几杯唔同嘅酱（好好味吖！！！！）再嚟main course，饮品，甜品。Overall我好enjoy，好似好享受咁！值得推荐俾旅客嘅一间餐厅(你话日日食就咪搞啦)!

睇相
等紧嘅时候

The bread and jam（我最钟意）

寻晚买嘅旅游指南

饮品同沙拉

主菜同大合照（又有另一杯饮品）

食完再影

餐厅里面同厕所（太暗，冇闪灯，影得唔好）

原来，TaipeiUC Noodle Bar同VVG喺同一条街，我入去睇下，出嚟影几张相就决定下一个地点係“迪化老街”。


我转地铁到“中山站”，行咗好似好远路，感觉到条街越行越老，我唸应该就到啦...

台湾嘅行人桥

老街附近

法主公庙

有庆典-但係当时我唔知庆啲乜嘢（原来係“乞龟、还龟”日）

睇到啲“红龟”吗？

由“法主公庙”再行前点，就係布料街，再行前转右就係“迪化街”

ketchup

迪化街一带




去到“迪化街”先至知道“城隍庙”喺度！好多人，好多年轻人！我好好奇点解台湾嘅后生人原来咁诚心嚟拜神！

台北霞海城隍庙


我原本冇意思要拜拜，唸到翰樂唔舒服，就想求平安。我走入去买香，问下除咗求姻缘，可唔可以求平安，个靓女话：“什么都可以求！”仲教我点拜。

我行出去，放低啲元宝（唔可以烧！），当我想向前点香时，有人放炮仗，我拉拉临转身跟大队走前去睇！原来嗰祭典未完。








睇完祭典，我走去排队点香，拜完我唸住攞啲香去香炉插，哇，个火好猛，我见到人哋插香好似掟飞镖咁，我唯有跟住做！

之后排队攞平安茶。杯茶真係好热，我坐埋一边摊冬杯茶，好无聊！

睇下台湾人嘅环抱意识几强！

之后我行到“迪化街”尽头，沿途影下相


原来“大稻呈码头”就喺“迪化街”嘅另一边，我见到好多人踩单车往“大稻呈码头”反响，我跟住过咗去。


过咗城门，就睇到个海景，呢度就係“海滨公园”！我好意外，因为原先都冇唸到嚟呢度！我都好开心，影相留念。





台湾人都有踩单车嘅习惯，周末消遣亦少不了踩单车活动。佢哋点单车，平均应该过千蚊马币，我睇到好过隐，因为我都钟意单车！



生意头脑！睇下佢架改装货车！

租单车都要排长龙！写明5点闩档，4点半，条龙仍然係咁长！

ketchup

我之后离开“大稻城码头”，唸住去搭地铁，突然间醒起，附近有一间“林柳新紀念偶戲博物館”。于是加快脚步去揾，好快就揾到。

“林柳新紀念偶戲博物館”门口


由于间嘢5点闩，我入去嘅时候经已係4点40分係，冷清清，只有一个售票员。间所谓嘅博物馆，其实面积好细，4层楼，我唸应该唔会用太多时间，于是就买飞，NTD120入去参观。

五颜六色嘅木偶 - 可以买嚟做纪念品（但係我参观完，唔想买咗！！！）


我唸，“不如上楼上睇完，之后再落返嚟再慢慢睇”，我就走咗上去。

二楼嘅木偶展览









再上三楼，三楼啲木偶，开始令我觉得有点怕，啲表情好似好惨，有点狰狞... 搞到我都唔咁正面睇清楚，随随便便睇下就算，连相都唔影多张。


睇完三楼，其实经已冇乜心想上四楼，但係唸到我都好少机会再嚟，于是决定睇埋佢。我企喺三楼嘅楼梯口望上四楼，哇！乜咁暗嘎！哎！死就死！四楼嘅主题係“越南水傀儡”，似“水鬼”多点喔！可能因为外面天色开始暗，冇乜阳光照入嚟，而成层嘢用红色灯同蜡烛光，真係唔係好愿意久留。我逗留咗几秒钟就急急脚落楼下。完全冇影相！

楼到楼下，随随便便睇下就走！



基本上，其实如果早嚟参观，係有节目睇，但係我今次嚟就搞到好似自己吓自己咁。为咗唔想误导你哋，不如睇下人哋嘅blog点写，同埋个林柳新紀念偶戲博物館official网站。
我由偶戲博物館出嚟就打算行返去搭地铁。行下行下，见到有夜市，一睇，好大只牌写住“宁夏夜市”，咦！点解本guide冇讲到嘅？！连地图都冇写！我唔理啦，好饿，走咗入去揾档嘢嗌咗碗蚵仔面线同臭豆腐。


食完，行去搭地铁，下一站，“新北投”浸温泉！我搭到去“北投”再站转地铁线路往“新北投”，等紧地铁乘有时间call电话俾我妈，点知佢话翰樂仍然未退烧，好忸计！我于是call俾Jason问佢好唔好听日就返大马，Jason话OK，我就即刻call China Airlines换机位booking。其实当时已经好冇心情再完，但係就算我自己喺台湾闭翳都做唔到点乜嘢！于是继续往“新北投”前进。

我其实係打算去“三二行馆”，之前survey过点啲价钱觉得OK，佢哋个网站写由“新北投”站行5分钟就可以到达！我唸到咁方便于是就拣咗呢间！我落咗地铁，跟住啲温泉路牌，的确行啱方向。行行行... 原来网站冇同你讲，条路係斜玻！继续行行行...5分钟？我行咗十分钟都未到！！！条路仍然係咁斜！！！越行条路越入越静，我见到有个牌写住“三二行馆”，再读清楚嗰内容，晴天霹雳！！！佢哋竟然closed for public，因为有大型fucntion！！！我... 我... 我... 条气好喘！！！我慢慢行返落去，其实下面有嗰公众温泉，每日傍晚7点会开放，但係要着泳衣！哎！算啦，我唔想多唸，我转地铁去到“忠孝复兴站”嘅“太平洋SOGO” 作最后“冲刺”！

“太平洋SOGO”里面嘅T-parts售货员好鬼热情，一直俾我试好多件衫，仲话“我给你打多一折，够意思了吧？！”“我有一为马来西亚客人定期来我这里买，我都会特别打折，别家做不到！”“这件很漂亮，你穿得刚好！”。我都差点俾嗰sales嘅搞昏咗！买咗三件衫，其实好想继续买，但由于星期日，9点半就闩门。我算係好last minute俾钱嗰个! 最搞笑，俾完钱，我揾唔到门口出，竟然跟住啲员工由员工exit行出去（因为啲sales都会着得好好睇，我仲以为佢哋係顾客），嗰实Q都猛同我讲对唔住，我好唔好意思！

买完，我就返Taipei Hostel执行李，call的士，梳洗完就训！翰樂，我哋返嚟啦！

Note: 虽然提早返大马，overall喺台湾嘅几日都足够令我有再次到台湾嘅冲动！

（完）

ketchup

原帖由 fluoritetaiwan 于 12-12-2008 19:21 发表
行快D啦,

你很快哦!!!
我都是用copy and paste的... 你那么快就留了脚印!

matrix2003

这样快就写完了。好厉害。。

楼主的写法好像是香港人写的，　由广东音的感觉。

Iamnotaguru

很强，可以用cantonese type....!!

Iamnotaguru

整个行程也很快, 就写完了. 其实也去了很多地方呢!

纸鹤

楼主~介不介意放张你的散钱包的照片~~~

这本书是在诚品买的??

ketchup

原帖由 matrix2003 于 13-12-2008 09:31 发表
这样快就写完了。好厉害。。
楼主的写法好像是香港人写的，　由广东音的感觉。

我用了一些時間寫的, 放了上blog之後copy and paste過來
平時用廣東話比較多... 所以用全拼輸入

原帖由 Iamnotaguru 于 13-12-2008 12:11 发表
很强，可以用cantonese type....!!

用microsoft本身的全拼輸入就问题不大

原帖由 Iamnotaguru 于 13-12-2008 12:30 发表
整个行程也很快, 就写完了. 其实也去了很多地方呢!

还有很多地方没去.... 呜呜呜~~~

原帖由 纸鹤 于 13-12-2008 15:24 发表
楼主~介不介意放张你的散钱包的照片~~~
这本书是在诚品买的??

对！那本书是在诚品买的

纸鹤

不愧是Epi系列....
价钱真的让我不敢恭为.....

livy

请问你在台北住那一间酒店??

你可以帮我看看我的行程吗?
http://cforum4.cari.com.my/viewt ... e%3D1&frombbs=1
谢谢你哦..