阿Sa自嘲面皮幾呎厚 感情方面唔介意主動出擊

aikowu

蔡卓妍（阿Sa）與護膚品牌再度合作，今年已經係第五年，日前拍攝全新電視廣告，阿Sa自細就愛水上活動，尤其係喜歡去沙灘，不過阿Sa表示只要揀啱適合護膚品，就算成日曬都唔需要太擔心。

由於今輯廣告主題係講「主動」，阿Sa表示自細已經係好主動嘅人，又笑言自己「面皮幾呎厚」。喺工作上，佢係一個機會主義者，自己想做乜嘢都會努力堅持到底。

至於感情方面，阿Sa又係咪咁主動呢？佢就話：「本身比較心急，我會主動爭取自己鍾意嘅人。當然我都唔會蠢到一廂情願去表白，一定要感到對方對自己有意思，先會主動出擊。喺呢個情況下，我唔介意做主動表白角色，反正大家遲早都會表白，所以邊位先表白，都唔係太緊要。」

另外，阿Sa不但會主動出擊，仲會接受挑戰：「我啱啱完成電影『雛妓』，當中題材同角色都係自己從未接觸過。呢部係一套屬於社會性題材嘅電影，角色要我由十幾歲演到三十歲，差別好大。加上呢個角色一生中都遇到不如意嘅事，所以要揣摩同演好呢個角色，對我嚟講係一個大挑戰。」

此外，今年阿Sa抽多咗時間去體驗及享受生活，早前佢同Sa爸、表姐去咗巴黎散心，之後再同Sa爸、嫲嫲去台灣，最後又同朋友去韓國渡假。阿Sa以前鍾意行街shopping，0依家反而會「慢慢行，跑住食」，非常懂享受人生。

devilredcantona

要把握住机会

kclo51

牙齿洁白、拍广告不错。。

yan_w

还是那么可爱