【開放式教育】曾與囝囝一齊沖涼 靚靚爆「魔童」想約女仔

alancari

袁詠儀（靚靚）今晚出席灣仔君悅酒店舉行嘅IWC活動，對於噚日警方以暴力對付示威者，靚靚表示感到痛心及失望，佢自己都會反省。

靚靚說：「囝囝（魔童）快八歲，唔可以用強權相處，有段時間水火不容，（指囝囝三﹑四歲時），因為我乜都話唔得，覺得要改善關係，用傾偈睇下佢想點，畀選擇佢，成日NO呢，佢就冇嘢講。失望係政府唔聽（民意），聽咗未必壞，表達係另一種方法點Sell，亦係技巧，做政客要咁。囝囝都有問我點解放煙？（囝囝驚？）佢唔驚，但冇答點睇件事。」

而靚靚身穿低胸白色衫，佢自爆真空上陣，靚靚笑言喺老公張智霖面前成日都咁Sexy。靚靚又話喺屋企屬開放式教育：「以前同囝囝一齊沖涼，0依家得返爹哋咁做，囝囝快八歲，會有好奇疑問，要用正統教育教佢，舊年開始冇一齊沖，自己一向都少，佢玩水玩得耐，得爹哋先陪。佢又問我點約會女仔，我話男仔要有魅力同叻，用此方法引佢學琴。」

devilredcantona

大个仔喇。。

yan_w

人小鬼大

死神只峰

孩子已經長大了