杏兒Bosco又同場 大膽追問ex嫁期

alancari

今晚梁烈唯同太太Tina喺洲際補擺婚宴，群星到賀，唔少仲係一雙一對甚至抱埋BB嚟，但亦有再見亦是朋友嘅例子——就好似胡杏兒同黃宗澤呢對過氣情侶咁。

已有新歡兼決定脫離無綫闖天下嘅杏兒一早已到，黃宗澤(Bosco)就遲咗少少，皆因為要開工，仲係特登由內地請假返港。喉沙沙嘅Bosco被問及杏兒都有嚟飲，佢就話:「咁應該都齊人嘅。」又謂:「我都未知佢續唔續約。(會否主動關心佢簽約蕭定一間公司一事？)唉，呢個圈都唔大，就算唔續約，都可以保持良好合作關係，最緊要工作順利就得喇。」

問及Bosco仲有冇同杏兒聯絡？佢話:「我自己都忙到死，已經好少聯絡喇。」如見面會否尷尬？「唔會，我哋見面都會打招呼嘅。」又呻自己到依家都未有著落，仲反問記者有冇好介紹。你唔係有個契妹咩？佢話:「契妹就真係契妹嚟嘅。」

咁會唔會有機會爬杏兒頭結婚先呢？Bosco話:「喂，咁可能佢快過我喎!一陣見到佢問下佢先。」

黎耀祥就話自己送現金，又話唔使過兩招俾一對新人生B，皆因兩人都屬年輕力壯喎，佢仲催唯唯快啲生:「等呢個圈多啲喜事嘛!」

死神只峰

兩個人終於同台了

羅馬王子

他們很配的其實

kclo51

太好了。。。