【20歲想过切乳】朱慧敏遭醫生阻止 生完小朋友再決定

alancari

昨晚電影《職業特工隊:叛逆帝國》於圓方舉行首映，同時為香港防癌會籌款，麥家琪帶同8歲大仔，顏子菲及朱慧敏等到場。

朱慧敏本身家族有癌症基因遺傳，所以十分支持防癌會活動，問佢母系嘅乳癌基因會否影響生育，佢話:「其實唔會。」問佢會否仿傚Angelina Jolie切乳防癌?佢話:「自己20歲時有諗，都有問醫生，醫生叫我40歲再去諗，因為20歲太早，睇下生完小朋友，餵完母乳再決定，o依家癌症都年輕化，30幾歲都有，最重要唔好諱疾忌醫，及早求醫存活率都高啲，疾病好多時都係抑鬱成疾，要保持樂觀。」

朱慧敏話自己比平常人check得密啲，每半年檢查一次，自己睇生老病死較為簡單，問佢同Eddie分手係咪保持輕鬆?佢就問非所答:「其實自己冇話驚唔驚死，珍惜每一日活在當下。」同Eddie有冇聯絡?佢話:「比較少，大家忙工作，有啲事情要時間處理。」

同場的顏子菲同樣表示自己每半年會做一次身體檢查，因為屋企有3個人係醫生:「身邊好多朋友平時好健康，但一check就知道有唔好嘅病、Cancer，需要預防。」

問佢會唔會曾經做過隆胸手術患病機會大啲?顏子菲話:「自己所做嘅手術都係脂肪轉移，手術前都有問醫生有冇副作用，所以都好安全，keep住做檢查，乳癌嚟講每個年紀都會發生，自己都著重檢查。」

講到亞視中午新聞復播，佢話:「都係好事嚟，起碼背後買家浮面，返番去一個較正常層面，係好消息。」

死神只峰

應該要預防啊

jason1833

可以过来给我免费检查