Coffee畀露體狂壓落地 嗌救命冇人理

alancari

藝人林芊妤（Coffee）昨日以一身瑜伽裝束現身旺角街頭，宣傳其免費瑜伽教學的YouTube頻道，並即場大顯身手，吸引不少龍友狂影。問到動作及衣着誘人會否尷尬？她說：「唔會，健康嘅運動，唔係三點式。（之前爆呔露紅底，今次Check咗？）Check晒，嗰次條褲唔係我，依家裏面係瑜伽褲。」

「一腳踢開佢」
提到若YouTube頻道訂閱人數過二萬及五萬，Coffee將表演用腳食麵及人間章魚，問到是否已達標？她說：「未，仲差好遠，要推動吓。（拉票？）唔知呀！但對我嚟講係個挑戰！（到二萬有佣分？）我唔清楚，由其他同事負責。」

期間一名男子突然走到Coffee面前近距離望她，惟見慣大場面的Coffee十分淡定，事後她自爆讀書時曾兩度在港鐵遇上變態佬：「有次有個男人行到好埋問我有冇紙巾，我好惡話冇。另外有次遇到露體狂追住我，仲壓我落地，我一腳踢開佢，叫救命冇人理，啲人以為我玩，好彩跑到上車就閂咗門。（報警？）冇，我啲朋友話唔應該縱容啲變態佬。」

死神只峰

穿這樣在這麽多人面前啊

CKH71

身材好好呢。

hu

红不起来