胡杏儿恋「港男」两月玩完

25-10-2013 11:55 AM| 发布者: 佳礼编辑 | 评论: 5|原作者: alancari

摘要: 胡杏儿与黄宗泽七年情玩完后，原来秘密拍过一次拖，她昨晚透露与本地圈外新欢只拍拖两个月，最终因不合适而分手，杏儿强调现在没拍拖。

胡杏兒與黃宗澤七年情玩完後，原來秘密拍過一次拖，她昨晚透露與本地圈外新歡只拍拖兩個月，最終因不合適而分手，杏兒強調現在沒拍拖。

人氣劇《衝上雲霄II》演員張智霖（Chilam）、胡杏兒、吳卓羲及傅嘉莉等，昨晚在將軍澳電視城出席無綫行政主席梁乃鵬所設的慶功宴，但男、女主角吳鎮宇和陳法拉則雙雙缺席。杏兒與黃宗澤（Bosco）甩拖後，先後與台灣男星黃少祺及內地小生于波及馬天宇等傳緋聞，最近她在內地受訪時承認與Bosco分後手後曾拍過一次拖，但已成為「過去式」：「之前都同大家講過有人追，佢係香港圈外人嚟，唔係做生意嘅，拍咗拖好短時間，只係兩個月，但係因為唔係咁適合，每個人都有自己嘅生活習慣，已經和平分手，依家太忙冇拍拖。」

希望人人有工開
杏兒被問到是否還喜歡「舊口味」？她說：「好難答，唔係因為呢啲，自己好忙，嚟緊要去法國拍嘢。」她又透露正在學法文，不介意與外國人拍拖。對於有指無綫將收緊旗下藝員返內地工作的措施，杏兒說：「未聽過，我啱啱先喺北京返嚟，但都明白公司要人拍劇，希望取得平衡。」杏兒坦言支持香港電視獲發免費牌照，希望香港電視業有良性競爭。對於無綫的「愛回家」計劃，她認為無綫需要更多人才，最緊要是人人有工開。
Chilam最近借出林寶堅尼跑車供《變形金剛4》拍攝，他說：「最開心係囝囝魔童，佢喺睇雜誌見到我哋架車好興奮。佢係變形金剛迷嚟，等部戲上會帶佢去捧場。」

無綫誓改善待遇
而梁乃鵬則在席間宣布：「星期一開會後決定培育TVB大家庭文化，要同事作為TVB一分子而驕傲，希望藝員有開心嘅工作環境，要佢哋得到尊重，有合理嘅工作時間、酬勞、有更多演出機會，廠景工作時間唔超過10小時、外景唔超過12小時。」他又指無綫「愛回家」計劃希望予人「門常開」的感覺，對於有指無綫收緊藝員返內地工作政策，他說：「冇，反而希望加佢哋喺內地嘅知名度配合TVB嘅發展。」對於成立星夢娛樂有限公司，與星煥唱片合作，他強調會對其他唱片公司公平及保持良性競爭。