香港有个医生，也叫李小龙

家驹

  武打巨星李小龍喺銀幕嘅威猛形象，Kelly仰慕不已，小妹以為太遲出世，無機會一睹真人風采，原來世事好奇，喺大圍就有人叫李小龍，仲大大個牌掛喺街上，但佢唔識打功夫，而係一名私家診所嘅執業醫生！

        李小龍醫生好風趣咁話，佢有個同天王巨星一樣嘅名字，自己都覺得好有霸氣，但佢澄清，佢先後真正嘅「李小龍」，「李小龍原名係李振藩，但我出咗世後，李小龍先改咗個藝名做李小龍，所以我諗個名係佢跟我改囉，哈哈！」李小龍醫生有個姐姐叫李小鳳，兩個名字，都係李媽媽改的，取其意「一龍一鳳」，當時李小龍在電影界都未紅起來，李小龍同屋企人完全唔知有一個藝人又叫李小龍，他自己更說不上係李小龍嘅粉絲。

畢業禮全場起哄

　　李小龍醫生讀中三開始，電視機流行起來，電影院多了，李小龍醫生才認知有一個同自己同名同姓嘅功夫巨星紅起來，佢後生讀書時期，成日都有同學仔因為呢個名而整蠱佢，最威嘅一次係佢喺一九八三年港大醫科系畢業典禮，教授叫到佢個霸氣中文名時，全場起哄！直至畢業後出嚟行醫，時不時都有病人同佢講：「醫生，你個名咁威嘅！」李小龍醫生仲話，以前仍在明愛做急症室醫生期間，試過有醉酒佬話要同佢flight過，要打贏李小龍咁話！

　　李小龍醫生話，自小掛住讀書，武打巨星嘅位置就輪唔到佢了，而李小龍呢個名亦為佢帶來不少煩惱，「成日有病人問我同一個問題，真係有啲煩，阻礙工作，我寧願我個名普普通通。」所以呢，李小龍醫生無再幫三個仔女改個突出名了，簡簡單單算啦！

Kelly Chu

hachiew

他才是正牌李小龙