|
|
謝安琪（Kay）昨日聲稱因病而臨時缺席《勁歌金曲馬拉松2013》，不禁令人懷疑與她早前不簽約「星夢娛樂」有關，不過老公張繼聰代妻否認，表示她與無綫及何哲圖關係良好。
歌手張繼聰、鄭融、王菀之及鄭欣宜等昨日出席長達5小時的《勁歌金曲馬拉松2013》，不少女星冒着寒冷天氣大晒玉腿及香肩。原先表示會出席的謝安琪（Kay）卻稱因病臨時缺席，令人揣測是與她早前不簽約「星夢娛樂」唱片公司有關，不過Kay的老公張繼聰急急代妻否認，表示太太跟無綫及何哲圖關係良好 ：「佢呢個月聲帶谷血，加上感冒，有啲音域唱唔到，佢上星期都想盡量安排上嚟嘅，但真係唔得！」問到會否代太太拉票？他笑言就算不幫自己也會幫她：「我可以唔要，其實支持佢嘅歌迷可以買碟，或者將來佢同無綫都有合作，再唔係聽住我唱歌先囉！都可以投射到佢嘅影子。」而帶病上陣的王菀之表示腸胃不適：「都好番，但仲要屙番啲菌出嚟。」
狄易達想拜城城為師
另外，狄易達昨日25歲生日，他笑言生日願望是希望不用去夜蒲也能識到女仔，並想學唐僧一樣：「希望個個女仔都想食我！」他又表示想拜郭富城為師：「想有日可以做到舞台王者，以佢做目標。（似佢鍾意高嘅女仔？）哈哈！都係o架！愈大就愈鍾意高嘅女仔，不過我暫時未見過佢，下次跟老闆（陳百祥）多啲入馬場。」而欣宜表示希望農曆新年期間能返加拿大探親和掃墓：「我已經有兩年冇返去，想帶埋新碟播畀婆婆婆同媽咪聽！」
|
|
发表于 22-12-2013 07:49 AM
变色卡
千斤顶
本周最热论坛帖子
1806 
54
