|
無綫小花唐詩詠昨日生日,雖然仍要開工拍攝新劇《公公出宮》,但追求者洪永城早已準備禮物!開工時,詩詠不諱言人愈大愈沒有特別慶生:「今年生日都唔會大搞喇!願望世界和平。」問到洪永城有何表示?她笑笑口怨對方零表示:「咁有講生日快樂。(準備同你慶祝?)唔知呢!」又坦言仍考慮是否與對方拍拖:「依家幾好,係朋友,得閒會見面食飯!」
至於正拍攝《波士早晨》的洪永城因詩詠開工未能慶祝而感可惜,但他趁昨日假期為她準備禮物:「我同佢都有煲美劇《權力遊戲》(Game of Thrones),佢好鍾意『小惡魔』個角色,所以特登訂咗個公仔返嚟。(依家咩關係?)發展得唔錯,祝佢生日快樂!」想關係進一步的他自爆正努力學下廚以博紅顏一笑!
|
|